ეკონომიკის აღორძინება

ერთ ერთი ყველაზე დიდი პრობლემა, რასაც დღეს ქართველი მემწვანილეები აწყდებიან, თანამედროვე ტექნოლოგიით აღჭურვილი შესაგროვებელი ცენტრის არარსებობაა, სადაც მათ საშუალება ექნებოდათ დაეხარისხებინათ შეგროვილი მწვანილი და სათანადოდ შეეფუთათ საექსპორტოდ. დღეს არსებული საწყობები, სადაც აღებულ მოსავალს უყრიან თავს, მეტად ცუდ მდგომარეობაშია და საჭირო აღჭურვილობასაა მოკლებული. ეს მნიშვნელოვნად აუარესებს საბოლოო პროდუქციის ხარისხს.

დასავლეთ საქართვლოში მოყვანილი მწვანილი დიდი ოდენობით გადის ექსპორტზე.  მემწვანილეობა 7000 ოჯახისთვის პირველადი შემოსავლის წყაროა.  ქართულ აგრარულ პროდუქციაზე ემბარგოს დაწესებამდე ამ ოჯახების მიერ მოყვანილი 4500 ტონა მწვანილის 85% ყოველწლიურად იგზავნებოდა რუსეთის ბაზარზე. 

2006 წლის მარტში რუსეთის მიერ ქართული ღვინის იმპორტზე დაწესებული ემბარგოს შედეგად, საქართველომ დაკარგა ტრადიციული და ყველაზე მნიშვნელოვანი საექსპოტო ბაზარი, სადაც წარმოებული ღვინის დაახლოებით 89%-ის რეალიზაცია ხდებოდა. საპასუხოდ, ქართველმა ღვინის მწარმოებელმა კომპანიებმა 2007 წელს აქტიურად დაიწყეს ასორტიმენტის დივერსიფიკაცია და ევროპასა და აშშ-ში ახალი ბაზრების მოძიება.

ხელოვნება თუ ფერმერობა? მუსიკოსმა ბეგლარ მიქელაძემ არჩევანი ორივე პროფესიის სასარგებლოდ გააკეთა და ჟოლოს ბიზნესის წარმოება ბათუმის მახლობლად მდებარე საკუთარ სოფელ ადლიაში დაიწყო. "ჯერ ოჯახისათვის ვცდილობდი. ჩემი მეუღლის მიერ მომზადებული ჟოლოს მურაბა და ჯემები სამეზობლოში დიდი პოპულარობით სარგებლობდა. გადავწყვიტეთ, გაგვეფართოვებინა ჟოლოს პლანტაციები. მოსავალი იმდენად კარგი იყო, რომ ბათუმის  ბაზარშიც კი გავიტანეთ გასაყიდად და, წარმოიდგინეთ, უცებ გასაღდა. მაშინვე მივხვდით, რომ ღირდა ამ საქმისათვის ხელის მოკიდება."

შ.პ.ს. `თეგიკა უნივერსალი~ ქალაქ ქუთაისში ერთ-ერთ ყველაზე წარმატებულ სამშენებლო კომპანიად შეიძლება ჩაითვალოს, თუმცა, როგორც კომპანიის დირექტორი, კოტე კეკელაძე აცხადებს: „რაღაც მომენტში იძულებული გავხდი, მეღიარებინა, რომ კომპანიის წინაშე მდგარი პრობლემების გადაწყვეტას ვერ ვახერხებდი". კონკრეტულად კი, კომპანიას არ გააჩნდა ბიზნეს-სტრატეგია, მარკეტინგული ანალიზი და დეტალური საწარმოო გეგმა. არ არსებობდა დაგეგმვის შიდა სისტემა და გადაწყვეტილებებს ხშირად სპონტანურად იღებდნენ, რაც, თავის მხრივ, კოფლიქტურ სიტუაციებს წარმოშობდა ფინანსურ და საინჟინრო სფეროს მენეჯმენტის სისტემებში.

ლევან პაპაშვილი საბოლოოდ დარწმუნდა, თუ რაოდენ მნიშვნელოვანია გაუმჯობესებული ტექნოლოგიები პროდუქტიულობისა და შემოსავლების ზრდისათვის.

ქართველი ფერმერების ოცკაციანი ჯგუფი სასწავლო ტურით თურქეთს ეწვია გამოცდილების გაზიარებისა და აგროფერმერული მეურნეობების გაუმჯობესების მიზნით. სასწავლო ტური განხორციელდა ამერიკის შეერთებული შტატების საერთაშორისო განვითარების სააგენტოს (USAID) მიერ დაფინანსებული პროექტის "საქართველოს დასაქმებისა და ინფრასტრუქტურის ინიციატივის" და თურქეთის საერთაშორისო განვითარების სააგენტოს (TIKA) ერთობლივი პროექტის ფარგლებში. თურქმა ფერმერებმა ქართველ კოლეგებს საკუთარი პროფესიონალური გამოცდილება გაუზიარეს, თანამედროვე ტექნოლოგიების გამოყენებისთვის საჭირო პრაქტიკული უნარ-ჩვევების ჩათვლით.

აბასთუმანი საქართველოს სამხრეთ დასავლეთში, ადიგენის რაიონში, მდებარე ცნობილი კურორტი გახლავთ. პირველად აბასთუმანი, როგორც ტურისტული დანიშნულების ადგილი, ჯერ კიდევ მეფის რუსეთის დროს და შემდეგ უკვე საბჭოთა პერიოდში გახდა ცნობილი. აბასთუმანი ეკოლოგიურად სუფთა ბუნების ეტალონად განიხილება და უნიკალური ატმოსფერული პირობებით ხასიათდება. ამის გამო, ის ევრაზიის მასშტაბით, ასტრონომიული დაკვირვებებისათვის ერთ-ერთ საუკეთესო ადგილადაა მიჩნეული. აბასთუმნის თერმული წყლების სამკურნალო თვისებები კი, საყოველთაოდ აღიარებულია.

მაკდონალდის ჰამბურგერის თბილისელ მომხმარებლამდე მიტანა საგრძნობლად გამარტივდა. საქართველოში მაკდონალდის ფრანჩეიზინგისა და შპს. T&K რესტორნების ქსელის შესყიდვების მენეჯერის, თამაზ მეგრელიშვილის თქმით, კომპანია პროდუქციის იმპორტირებას ძირითადად უკრაინიდან და თურქეთიდან აწარმოებს. ადრე საბაჟოზე ტვირთის გაფორმებას ორი-სამი დღე სჭირდებოდა,  შემოწმების პროცესი ხანგრძლივი, ხოლო საბაჟოს თანამშრომელთა პროფესიონალიზმი დაბალი იყო.  რეფორმების ახალმა ტალღამ ვითარება შეცვალა.

USAID-ის მიერ დაფინანსებულმა საქართველოს დასაქმებისა და ინფრასტრუქტურის ინიციატივამ (GEII) რძის ქვესექტორში სტრატეგიის შემუშავებისთვის, ჩაატარა  შეხვედრები, რომლებსაც დაესწრნენ ამ სექტორში ჩართული პირები, მათ შორის რძის პროდუქტის ორი ყველაზე მსხვილი მყიდველი. შეხვედრაზე აღინიშნა, რომ არის მზარდი მოთხოვნა გადაუმუშავებელი რძით დამზადებულ პროდუქტებზე, მაგრამ ზრდას ხელს უშლის ასეთი პროდუქტების სიმცირე. უამრავ გამოწვევებს შორის ყველაზე მნიშვნელოვანი ცხოველების დაბალი პროდუქტიულობაა, რაც პირდაპირ კავშირშია ცუდ კვებასთან.